| النهاردة فاتت عليا اطياف |
| فاتت اطياف اليتامى والارامل |
| والعواجيز فى الخيام والحوامل |
| والاطفال فاتت بقلبها الشفاف |
| اتمزعت صرخات فى الضلوع |
| شابة مهمومة عينها مليانة دموع |
| النهاردة فات عليا كل احلام الربيع |
| كل ازهار البساتين والطفل الرضيع |
| كل اشجار الجناين والفروع |
| كلهم فاتوا يطوفوا ، يشوفوا |
| يسألوا عن الجراءة |
| يسألوا عن البراءة |
| ويسألوا عن الاطياف اللى فاتت |
| واللى جاية والاحلام الوردية |
| النهاردة فات هلالى |
| والتقانى من بعيد |
| كان حزين وتعيس وخالى |
| كان جى يبلغنى السلام |
| من طيف اسير مليان وجيعة |
| النهاردة النجوم فاتت على اطياف بديعة |
| وحملوها الهموم والليالى الشنيعة |
| اتبعرت واتدورت وفاتت ليلنا |
| فاتت عليا اطياف الشقايق والخلايق |
| من فوق السما ، اطياف تضئ الليل |
| زى البدور فى ليلة عتمة أو ليلة كتمة |
| فاتت بتحكى عن الليالى الحزينة والفجيعة |
| ولوعات الحروب والويل |
| فاتت عليا اطياف الشباب تحكى عن الاحلام |
| وعن ايام |
| وعن الحلم الطويل |
| وعن المستقبل الجميل |
| فاتت بتحكى عن كل قصة وكل حلم |
| مكتملش |
| متهزمش |
| فاتت عليا اطياف واطياف |
| النهاردة فات طيف شهيد الفجر |
| وطيف شهيد المدرسة |
| واطياف بنات تتنهد آسى |
| وفاتت اطياف جوعى |
| واطياف حيارى |
| وفاتت اطياف مفزوعة من الغارة |
| واطياف فاتت حاملة راية الحرية |
| وحاملين البشارة |
| فات النهاردة كل اطياف اليتامى والارامل |
| والعواجيز فى الخيام والحوامل |
قصائد مروان سالم
قصائد الشاعر العربي مروان سالم في مكتبة قصائد العرب.
قصيدة يا قدسنا
| يا قدسنا الغالي |
| طالت ليالي الاسى |
| زاد الالم والنحيب |
| والجرح ما بيطيب |
| رابط على نضالي |
| فداكى انجالي |
| وفداكى انفاسي |
| ولا تنحنى رأسي |
| يا ثورة الاحرار |
قصيدة لسان مربوط
| عالم أعوج بلسان مربوط |
| و غرايز تتنشي بالموت |
| أعراب مالية الدنيا سكوت |
| ويوماتي مجازر ومدابح |
| الناس عايشين ولا اموات |
| اطفال اتولدت و اتؤدت |
| واتحرقت واتمزقت |
| والناس عايشين |
| ماشيين خايفين |
| واكلين الطين |
| عايشين في سكات |
| نايمين في سكات |
| طب ليه راضيين ؟! |
| الدنيا بتتنشء للحر |
| والحال ما يسُر |
| ازاي عايشين |
| ازاي ساكتين |
| طب ليه راضيين ؟! |
| منزوعة الرؤوس ، ايتام فتافيت |
| بسلاح امريكي ومبيد الكبريت |
| أعراب سكاري في الحوانيت |
| ويوماتي مجازر ومدابح |
| والعالم بلسانه المربوط |
قصيدة الشقيانين
| انا صياد |
| روحت اصطاد |
| رميت الشبك |
| نيلنا ارتبك |
| لقيت براد |
| من بغداد |
| طلعلي جني |
| عازف مغني |
| بالاصفاد |
| انا قلل لي |
| حرفي تملي |
| ناسج الطين |
| يا بنى ادمين |
| صنعة مليحة |
| ايادي فصيحة |
| عمرها ما تجلي |
| انا شيال |
| صاحب عيال |
| حامد وراضي |
| وجيبي فاضي |
| من وقف الحال |
| احنا المصريين |
| احنا عزيق الطين |
| احنا الاولاد .. احنا الاحفاد |
| الشقيانين |
قصيدة الغربة
| اولها سكة |
| تانيها زكة |
| وتالتها فُرقة |
| واخرها عركة |
| سكة هنمشيها ومشوارها مش مضمون |
| زكة لحد الولى العاشق المسجون |
| فُرقة ومين يفارق الاحباب والعشرة |
| عركة بين الاحباب اخرتها تهون |
| يا مشوارنا العجيب يا سكة الشقيان |
| ياما عاشق في حب الوطن حيران |
| هون علينا الفٌرقة والغربة للأوطان |
| نرجع نشاكس ويرجعلنا الوطن فرحان |
| يا بحر يا غادر |
| يا مفتري وقادر |
| ازاي يهون عليك |
| تبلع شباب واديك |
| وتقتل المستقبل |
| تدمع بعين الغدر |
| وتبتسم في الفجر |
| ازاي نأمن ليك |
| ودمنا يعاديك |
| وحلمنا يموت فيك |
| يا قاتل المستقبل |
| اولها سكة |
| تانيها زكة |
| وتالتها فُرقة |
| واخرها عركة |
قصيدة عبث
| عبث … عبث |
| ماشي بسكات قام اتحبس |
| كتب بيان برده اتحبس |
| رسم الألم ..برا القلم |
| وكتب كلام مليان امل |
| برده اتحبس |
| عبث … عبث |
| عيشة الفلس |
| جني ولبس |
| قام اتحبس |
| سك البيبان |
| سد الودان |
| وقرأ عبس |
| برده اتحبس |
| عبث … عبث |