| إلا على طاري نصيحه وتنبيه | مايشغل الافكار ناقص عربنا |
| والطيبين اللي لهم علم نشريه | من طيبهم من بين الاجواد طبنا |
| واللي رمى هرجه على غير توجيه | يحسب حسابه حين ثاير غضبنا |
| لاثار بركان الغضب يوم يعميه | ومن بعدها وش عاد لوهو طلبنا |
| يسقط مساقيط السواقيط ويتيه | والا على درب العلا ماسبقنا |
| خفوا علينا شوي ياهل المشاريه | حنا ترانا من المشاريه تبنا |
| الآدمي اشغال وقته تشقيه | وعن واجب الاجواد ما يوم غبنا |
محمد عامر المريخان العنزي
قصائد الشاعر العربي محمد عامر المريخان العنزي في مكتبة قصائد العرب.
مثل البحر
| الخاطر اللي كل احساس لاعه | ياوين يالقى في زمانه سكينه |
| صدره فقد بالوقت جل اتساعه | وكنه يمر بكل ساعه غبينه |
| الليل لامن جاه افلت اشراعه | واليا طلع صبحه مثل الرهينه |
| مهما تصنعنا الفرح ياجماعه | مثل البحر لاشال حمل السفينه |
مايشعل الجمره
| مايشعل الجمره سوا طيف الايام | اللي هجد فكري بليل وسرابه |
| تعاقبة اطيوفه اعوام واعوام | وكن القفص للسرابها فك بابه |
| تواردت عطشا على النابض احيام | وللفكر صارت مثل حبر الكتابه |
| من يقنع الفكر المولع الياهام | ومن يمنع الاحساس كانه غدابه |
ياعين
| ياعين وش حاديك عن لذة النوم | والا المشاعر للسهر استباحو |
| مدري نعيش اليوم والا بعد يوم | والله اعلم كم باقي وراحو |
| مرت بنا اعوامنا كنها يوم | راحت ومعها احلامنا كم راحو |
| مايمدي المحروم مايصير محروم | والا الاماني بالزمان استراحو |
رضا الناس
| مهما نسوي للبشر دون مقياس | لا فكه من الشر ولابه عوايد |
| اللي على درب المشاريه عساس | واللي يدور قيل وش كان فايد |
| والله عجزنا نرضي الناس يا ناس | صحيح لا قالوا رضا الناس كايد |