الخاطر اللي كل احساس لاعه | ياوين يالقى في زمانه سكينه |
صدره فقد بالوقت جل اتساعه | وكنه يمر بكل ساعه غبينه |
الليل لامن جاه افلت اشراعه | واليا طلع صبحه مثل الرهينه |
مهما تصنعنا الفرح ياجماعه | مثل البحر لاشال حمل السفينه |
محمد عامر المريخان العنزي
قصائد الشاعر العربي محمد عامر المريخان العنزي في مكتبة قصائد العرب.
مايشعل الجمره
مايشعل الجمره سوا طيف الايام | اللي هجد فكري بليل وسرابه |
تعاقبة اطيوفه اعوام واعوام | وكن القفص للسرابها فك بابه |
تواردت عطشا على النابض احيام | وللفكر صارت مثل حبر الكتابه |
من يقنع الفكر المولع الياهام | ومن يمنع الاحساس كانه غدابه |
ياعين
ياعين وش حاديك عن لذة النوم | والا المشاعر للسهر استباحو |
مدري نعيش اليوم والا بعد يوم | والله اعلم كم باقي وراحو |
مرت بنا اعوامنا كنها يوم | راحت ومعها احلامنا كم راحو |
مايمدي المحروم مايصير محروم | والا الاماني بالزمان استراحو |
رضا الناس
مهما نسوي للبشر دون مقياس | لا فكه من الشر ولابه عوايد |
اللي على درب المشاريه عساس | واللي يدور قيل وش كان فايد |
والله عجزنا نرضي الناس يا ناس | صحيح لا قالوا رضا الناس كايد |