| الزلايب اللي ماتعرف القرايب | عفون تبقى على وضعها عفون |
| القطاعه قطاعه وبليا سبايب | ليش ماهم بالاوصال يوفون |
| رخوم ماتحل امور المصايب | ليتهم بالحق والحقيقه يعرفون |
| شفت انا بعيني كل العجايب | وصحت طول حسي كان توحون |
| توي وغد وضني اصبحت شايب | وتعبت وانا ضايقن فيني الكون |
| ياالله يامرزم خيال السحايب | تكفينا شر منهم ورانا يغدرون |
| وش عقبها لاصارت حزاز ونشايب | لاشافوك مقبل عليهم يصدون |
| وقت عازتهم في يوم الصعايب | حتى على الجوال ماضني يردون |
عبدالله بن جوعان العنزي
قصائد الشاعر العربي عبدالله بن جوعان العنزي في مكتبة قصائد العرب.
الحب
| الله لايعيد حبك وطاريك | والله لايعيد حبك اللي بديته |
| واليوم ياربي انا الذليل راجيك | تغفر لي الذنب والحب نهيته |
| حذراك من دنياك يالانسان تغريك | ورزقك اللي تحوشه ورا ظهرك رميته |
| اسمع وصاه من يحبك ويغليك | احذر من درب مايرضي الله مشيته |
| ترا الشيطان شاطر ونوبات يغويك | تمشي درب الحرام اللي مابغيته |
| بختامها كانك تسمعني وانا اخيك | لاتلتفت لاهل القلوب المميته |
ابوي
| ياحي ذا الوجه وحي الزول | أبوي اللي لاشفته ارتاح بالي |
| ابوي ياعسى ربي بعمره يطول | إلا يابعد روحي وقلبي وحالي |
| لطايله يوصل بفعالن وقول | حرن ولد حرن وقرم العيالي |
| يومه شباب لكل صعبه ينول | يحامي على ربعه بقول وفعالي |
الشهره
| شلون هالناس تبيع الكرامه •••• عشان شهره وضحك وهبال |
| لاكن ترا ماهي الحين الندامه •••• ياكثر ماشوف بعض الأشكال |
| لامنطقن زين ولا ستر وشهامه •••• ياالله ياعسى لنا بالجنات منزال |
| مانطلب من الله غير السلامه •••• ولا بعض هالناس ماهم رجال |
| المرجله ماهي لشناب وزعامه •••• المرجله للي لهم فعلن يقال |
الطيب
| ماهو شرط انك مع العالم تطيب •••• انت طيب وطيبك عز وفضيله |
| ظنت لي ظن وماضني يخيب •••• الطيب ماهو كل العالم تجيله |
| هاذي حقيقه بلا شكه وريب •••• ماحصل الإنسان كود مايجيله |