| راية التوحيد حي من شالها |
| عبدالعزيز في قلوبنا طول العمر |
| دايم لدارنا شمسها وظلالها |
| ما يموت حرٍ على الطيبه كبر |
| دارٍ على العزه تربى عيالها |
| لبى محمد اللي من نسله حدر |
| ختّم اصول المرجله وأفعالها |
| محدن يباري هيبته إلا خسر |
| ترقى له العليا محال يشقى لها |
| فوق متن المجد صيته إستقر |
| وش الشموخ؟ حتى الثريا طالها |
| هيبة ملوك تفردبها دون البشر |
| دوم الأسود تشبه لها أشبالها |
| ودوم الشجاعه لآل سلمان حكر |
| قد التحدي يوم قال حنا لها |
| لنا الصداره وبعدنا باقي البشر |
| حنا سيوف العزه وحنا أنصالها |
| من يوم تأسسنا على عز وفخر |
| تشمخ روس المجد دامنا عقالها |
| ثوب الكرامه ما يليق إلا لحُر |
| من بدينا قصه حنا أبطالها |
| قد طوينا صفحة أيام القهر |
| من بدينا رؤيه تشع آمالها |
| كنا بنينا سمعة خلدها الدهر |