| مش نهاية |
| بالأحرَى دي فعلاً بداية |
| زي حقول القطن لما |
| بتعاكس شمس فـ سمارها |
| قد ما الأطفال بتلعب |
| يستخبوا في حضن أبوهم |
| نفس سرب في غرف هاوية |
| عدّت الفراشات مخاوية |
| مِن جمالها سابت لي لونك |
| ع الملامح ضي قمحي |
| في الجهات الحلوة بينا |
| سِنة، سِنة فردت كفي |
| خطت الأيام في غنوة |
| حاجة هيّ موسيقى دافية |
| فيها منك، |
| مِن رجولتك |
| فيها حاجة مِن أنوثتي، أو طفولتي |
| فيها كون طيب، مسامح |
| فيها عدل ورب سامح |
| تتقطع فينا المسافة ونبقى واحد |
| أمر فعله الإنسانية |
| صافي جدًا؛ |
| زي وردة وزاد شبابها |
| فجأة لما دق بابها حد زيك بإتزانه |
| راضي فعلاً، |
| زي سمعي، وقد بصري |
| حظ لمسي في المشاكل |
| ألقى عينك نور طريقي |
| حد لما خذلني ريقي |
| قال كلامي نيابة عنّي |
| كتفي لما يقول مفارق |
| يبقى فارق جمب منّي |
| مِن جميع فعله الأوامر |
| إلا ليا.. |
| كُنت أعند حد يرفض |
| كان بسيط بيقول عنيا |
| إلا أنتِ.. |
| تفضلي وحدك قانوني |
| إلا هو.. |
| يبقى وحيّ وجه سماوي للقصيدة اللي فـ عيوني |