| أوقات بنتوه في طريقنا |
| مع إنه طريق مليان بالنور |
| وفي ناس عايشين على الأرض |
| عيشتهم عيشة ناس ساكنين في قبور |
| تتعب في حياتك تغرس بذرة تعبك |
| وسط الأرض وأتاري الأرض |
| محل الغرس طلعت بور |
| وهتضحك وسط الناس عادي |
| وفقلبك ياما جراح بالكوم |
| وتعدي أيامك كالمعتاد |
| وتقول عادي ما الدنيا هموم |
| لو سألك صاحبك يااد مالك |
| بترد مفيش ودي قلة نوم |
| دايما في الهم أنت أناني |
| شفايفك تضحك في وشوشهم |
| مع قلبك بتعافر وتعاني |
| بتبان قدام الناس ظالم |
| وحقيقي يا واد أنت المظلوم |